LECTURAS PARA O NADAL

Dende a biblioteca queremos desexarvos unhas felices e merecidas vacacións. Aproveitamos a ocasión para deixarvos a nosa selección de lecturas recomendadas para este tempo de lecer.

Pica na imaxe para descubrilas.

E felicitacións a todo o alumnado pola fermosa exposición das mensaxes de Nadal!

Escribindo o outono

Na biblioteca do CPI Antonio Orza Couto despedimos o outono facendo un traballo artístico inspirado na natureza.

Os alumnos e alumnas traballaron a linguaxe visual e a linguaxe poética creando fermosos trípticos nos que interpretaron as formas naturais e completaron as súas composicións con fragmentos poéticos que escolleron nos fondos da nosa biblioteca. 

 

25N -Día Internacional da Eliminación da Violencia contra a Muller

Inspirándose no lema das bibliotecas "Escribir a biblioteca" propuxemos ao alumnado a creación de frases e lemas para celebrar este día. 

O resultado, as frases e lemas creados,  vimos escrito nas pancartas e postais que o alumnado de plástica encargouse de decorar para levar na andaina.  

No acto da celebración, ademais de repartir os postais contra a violencia cara as mulleres,  puidemos escoitar tres alumnas do grupo de oratoria que aproveitaron para crear e ler un discurso alusivo ao tema. 

No cole en pixama! Día dos Dereitos da Infancia e Adolescencia. Día do Pixama

O último venres, día 18 de novembro, vimos como os alumnos e alumnas do Centro  lucían os seus pixamas, participando na iniciativa promovida pola ACOUGO para celebrar Día dos Dereitos da Infancia e Adolescencia. 

Para esta celebración,  a Biblioteca organizou unha exposición co material elaborado no desenvolvemento da proposta multidisciplinar  “Escribir o pixama” a cal contou coa implicación dos departamentos de Plástica, Lingua e Literatura Galega, Castelá,  Inglés e Francés. Podedes ver os detalles do proxecto picando en "Proxecto "Escribir o Pixama". 

O resultado do proxecto pode ser visto na exposición do Día do Pixama, en primaria e secundaria. Son paneis onde están representados nenas e nenos cos seus pixamas decorados, flotando por encima dos contos infantís escritos polo alumando nos distintos idiomas impartidos no centro. 

 , 

Día dos Dereitos da Infancia e Adolescencia. Día do Pixama

Todos de pixama no cole!

O venres, 18 de novembro, o alumnado, profesorado e persoal no docente está convidado a vir en pixama para participar na iniciativa promovida pola ACOUGO co fin de celebrar Día dos Dereitos da Infancia e Adolescencia. 

Para esta celebración,  a Biblioteca propón o desenvolvemento do proxecto “Escribir o pixama” e organizará unha exposición co material elaborado durante as clases de Plástica, Lingua e Literatura Galega, Castelá,  Inglés e Francés.

Os obxectivos son:

Difundir e destacar o traballo da Asociación Galega de Familias de Acollida (ACOUGO).

Traballar a escrita.

Traballar coa linguaxe visual e a ilustración.

Crear de maneira colaborativa un panel que represente  as  nenas e nenos cos seus pixamas decorados, flotando por encima dos contos infantís escritos polo alumando nos distintos idiomas impartidos no centro. 

Día de Neira Vilas

O día 3 de novembro celebramos no CPI o Día do escritor  Neira Vilas, que dá nome á nosa Biblioteca, e queremos celebrar tan importante data divulgando o talento galego.

UNHA PONTE DE MEDO

"Na biblioteca despedimos o mes de outubro con importantes celebracións!"

O Departamento de Galego brindounos con un magnífico traballo realizado polo alumnado do 1º e 2º da ESO para celebrar o Día das Escritoras e o  Día das Bibliotecas. Trátase de unha selección de portadas de libros das escritoras galegas coas sinopses. O libro-catálogo está en exposición na entrada da nosa biblioteca, onde pode ser manipulado.  Agora será máis fácil escoller un exemplar! 

Unha maravillosa visita

 Os alumnos e alumnas do 1º da ESO fixeron unha visita á biblioteca onde recibiron os seus carnés e unha charla dada polas profesoras Lidia e Bea sobre como encontrar os libros e información sobre o material que temos dispoñible.

BENVIDO CURSO 22/23!!!!!!

 Imos con un pouco de atraso, pero aquí estamos!!!!!

Comezamos premiando o alumnado voluntario da Biblioteca do curso 2021-2022.

O alumnado de Oratoria estivo presente e divulgou o acto na web do Centro:

“O pasado luns, 26 de setembro organizouse un acto para premiar o magnífico traballo do grupo de voluntarios e voluntarias da Biblioteca do noso prezado colexio.

Nun ambiente acolledor e festivo, o director do CPI Antonio Orza Couto, Ángel Manuel Maciñeiras, e a coordinadora do equipo da biblioteca Renata Balsamo, entregaron ao alumnado un diploma e un agasallo como xesto de agradecemento ao seu labor desinteresado no último curso.

As palabras do noso director, ademais de felicitar os homenaxeados e homenaxeadas, recoñecían a súa valiosa colaboración, alentando aos demais alumnos  e alumnas a unirse ao equipo de voluntarios. 

O grupo de Oratoria do 3º A e B súmase a esta felicitación deixando aquí o seu testemuño escrito e fotográfico.

RECOMENDACIÓNS PARA O VERÁN

 Xa está a piques de rematar o curso e desde a biblioteca queremos aproveitar para recomendarvos algunhas lecturas que seguro vos refrescarán no verán 😉

Disfrutade das vacacións!

COMPARTIMOS LECTURAS CON INFANTIL

 Por fin puidemos realizar as lecturas compartidas que levamos tempo agardando! O alumnado de 6ºA e B cóntanlle contos aos nenos de Infantil de 4 e 5 anos. Pasaron un rato ben divertido!

HOMENAXEADO DAS LETRAS GALEGAS

Non só nos adicamos este mes á figura de Francisco Tettamancy, o homenaxeado do Día das Letras Galegas deste ano, Florencio Delgado Gurriarán, tamén tivo o seu oco.

Podedes ver este fantástico mural elaborado polo alumnado de 1º da ESO nos corredores do edificio de Secundaria:

E logo de moito traballar, o alumnado de 2º da ESO rematou uns estupendos programas de radio adicados á figura de Florencio Delgado e á súa obra. Escoitádeos porque non teñen desperdicio!

TETTAMANCY:"QUE FAGO EU EN BOQUEIXÓN?"

Logo de semanas de traballo buscando información, gravando e preparando, presentámosvos o resultado do proxecto realizado por alumnado de 3º da ESO sobre a figura de Francisco Tettamancy Gastón e a relación que atopamos entre este autor e Boqueixón. 

O proxecto estivo coordinado pola profesora de Lingua Galega, Marifé Pérez García e polo Equipo da biblioteca.

Queremos agradecerlle á veciñanza de Lestedo e a Rocío Liñares que nos cederan desinteresadamente eses fantásticos traxes de xenerais.

Velaquí tedes o resultado!
 

GAÑADORAS DO CONCURSO DE MICRORRELATOS

 

Aquí tedes as gañadoras do Concurso de Microrrelatos ¡Sea breve, por favor!:

Uxía Verde Gómez por "Amor"

Nerea Mareque Vázquez por "El pozo"

Aldara Prado Giadás por "Una visita inesperada"

A entrega de premios terá lugar na Biblioteca este venres, día 6 de maio, durante o primeiro recreo. Non dubidedes en pasar por alí.

Noraboa ás premiadas e a todxs xs participantes!

RECOMENDACIÓNS PARA O DÍA DO LIBRO 2022

Desde a biblioteca queremos compartir con tod@s vós as nosas recomendacións lectoras para que desfrutedes nesta Semana do Libro. Ademais, podedes consultar outras propostas interesantes que nos están a chegar a través da nosa conta de Instagram @biblioforte.

Boa lectura!

RECOMENDAMOS AS NOSAS LECTURAS NO DÍA DO LIBRO

Queres estrearte como booktuber? Envíanos un vídeo ao correo da biblioteca (bibliotecaforte@gmail.com) coa recomendación dun dos teus libros favoritos, explicando que ten que o fai tan especial. Recompilaremos todos os vídeos que nos enviedes e publicarémolos para descubrir lecturas para desfrutar este Día do Libro.

Se o teu non é o vídeo e prefires a fotografía, envíanos a foto dun libro que mereza ser recomendado e explícanos os motivos da túa elección. Pode ser a través do correo ou do Instagram co hashtag #amiñalecturarecomendada e etiquetándonos (@biblioforte).

Animádevos, tedes ata o 20 de abril!

CONCURSO DE MICRORRELATOS

 

VIAXAMOS COA BANDA DESEÑADA

 Recibimos a maleta viaxeira de banda deseñada. Voluntarias da biblioteca estiveron colocando todos os exemplares para que os poidades mirar con calma e desfrutar.

Lembrade que só estará con nós ata o 19 de abril, así que apurade a levar as vosas eleccións!

PREPARANDO O ESPAZO CREATIVO!

Rematamos de montar o croma que formará parte do espazo creativo que estamos a preparar na sala de lectura "Carlos Casares" do edificio de Secundaria. 

Xa estamxs preparadxs para facer unhas fabulosas creacións audiovisuais!

GAÑADORES DO CONCURSO "QUEN É ELA?"

 

Xa temos o resultado do concurso "Quen é ela?" realizado en colaboración co Equipo de actividades extraescolares do centro. 

E velaquí tedes os gañadores/as:

Ángela Liñares (3ºESO)

Lara Couto (1º ESO)

Miguel Ángel Neira (1º ESO)

Noraboa!

A entrega de premios realizarase na biblioteca este luns día 14 durante o segundo recreo. O resto de participantes pasádevos tamén porque teremos un detalliño para vós, non o perdades 😉

Xunt@s chegaremos á igualdade!

8 DE MARZO: DÍA INTERNACIONAL DA MULLER

 

O 8 de marzo é unha data sinalada para visualizar a desigualdade de xénero que, por desgraza, aínda existe na actualidade. Tamén é unha boa ocasión para reivindicar a loita pola igualdade efectiva de dereitos para as mulleres en tódolos ámbitos.

Os equipos de dinamización do noso centro súmanse a esta reivindicación organizando diversas actividades que permitan concienciar ao noso alumnado sobre este tema.

Durante esta semana quixemos visibilizar a mulleres que destacaron ou destacan en todo tipo de ámbitos organizando un concurso-investigación sobre elas.

O concurso consiste en ler as descricións que hai colgadas diante da biblioteca de Secundaria e intertar unilas coas imaxes e os nomes que hai polos corredores para descubrir a muller relevante que se agocha tras cada descrición.

Só hai que pedir a plantilla na biblioteca, cubrila e entregala á persoa que estea de garda na biblioteca. Aquí podedes ver ao noso alumnado en acción:

En breve desvelaremos o resultado do concurso. Noraboa a tod@s @s participantes!

CAMBIAMOS DE IMAXE EN SECUNDARIA!

Por fin chegaron as novas mesas para a sección de Secundaria! Agora temos un espazo moito máis funcional, accesible e atractivo. 

Aquí tedes algunha imaxe do noso novo espazo, pasade a descubrilo!