RECOMENDACIÓNS PARA O DÍA DO LIBRO 2022

Desde a biblioteca queremos compartir con tod@s vós as nosas recomendacións lectoras para que desfrutedes nesta Semana do Libro. Ademais, podedes consultar outras propostas interesantes que nos están a chegar a través da nosa conta de Instagram @biblioforte.

Boa lectura!

VIAXAMOS COA BANDA DESEÑADA

 Recibimos a maleta viaxeira de banda deseñada. Voluntarias da biblioteca estiveron colocando todos os exemplares para que os poidades mirar con calma e desfrutar.

Lembrade que só estará con nós ata o 19 de abril, así que apurade a levar as vosas eleccións!

UN 14 DE FEBREIRO CHEO DE AMOR, CARTAS E LECTURA

Este ano o centro volcouse na celebración de San Valentín. O alumnado de 1º da ESO confeccionou uns corazóns cheos de poesías románticas de variados autores que tod@s puidemos desfrutar diante da Biblioteca:

Ademais o equipo da biblioteca seleccionou lecturas de todos os xéneros relacionadas co amor e a amizade:

E toda Secundaria esperaba ansiosa recibir algunha carta do buzón do amor e a amizade. Houbo sorpresas para todxs!

RECOMENDACIÓNS LECTORAS PARA O NADAL

 Desde a biblioteca queremos propoñervos estas lecturas para que desfrutedes deste Nadal cun bo libro na man.

Animádevos a descubrilas e pasade un MOI BO NADAL!!

PREPARANDO O DÍA DOS DEREITOS DOS NENOS E NENAS

Achégase o 20 de novembro e na biblio xa temos preparada unha exposición de libros escollidos expresamente polo equipo da Biblioteca. Está decorada con frases escollidas polo alumnado.  A ver se adiviñades que dereitos dos nenos agochan!

Como?! Que non sabedes cales son os dereitos dos nenos e nenas?! Pois neste vídeo poderedes descubrilo:

E para os máis pequenos aquí van algúns exemplos:

O resto de dereitos podedes descubrilos na seguinte ligazón.

DÍA DO LECTOR E DE NEIRA VILAS

Este 3 de novembro celebramos o Día do Lector con algunhas reseñas sobre lecturas preparadas polo alumnado da ESO. Aquí tedes un par de exemplos que podedes ver no edificio de Secundaria:

Tampouco quixemos esquecernos do noso querido Xosé Neira Vilas, ao que lle renderon homenaxe na sección de Primaria:

Vémonos na biblio!

RECOMENDACIÓNS PARA O VERÁN 2021

Estamos a piques de rematar o curso e desde a biblioteca sabemos que xa estades a buscar entretementos para este verán. Para botarvos unha man, propoñémosvos estas recomendacións que podedes pasar a recoller estes últimos días de clase e levar para a casa ata o mes de setembro.

Como sabedes, temos moitos máis materiais que poderiades levar tamén. 

Pasade a descubrilos!!

RECOMENDACIÓNS LECTORAS PARA O DÍA DO LIBRO

E para rematar de celebrar o Día do Libro, aquí tedes as nosas recomendacións. Disfrutádeas!

MOSAICO LITERARIO

Todas as lecturas da nosa vida van construíndo as persoas nas que nos convertemos. Desde o equipo da biblioteca recollemos esta idea e elaboramos este mosaico. Para descubrir os títulos que propoñemos só tedes que premer na imaxe e ir acercándovos. Comentádenos se hai algún que botedes en falta 😉

E TI, QUE LECTURA NOS RECOMENDAS PARA O DÍA DO LIBRO?

Como xa sabedes, este venres 23 celebramos o Día do Libro. O alumnado voluntario da biblioteca púxose mans á obra e decidiu realizar este vídeo pedindo recomendacións lectoras para disfrutar neste día. 

Acompañádenos a descubrilas!

GOZA COA LECTURA NO NADAL

Ola a tod@s!

Un ano máis desde a biblioteca queremos propoñervos unhas lecturas que seguro vos van facer máis entretido este Nadal. Con este tempo nada mellor que sentarse tranquilamente cun libro na man. 

Disfrutádeas!

LECTURAS PARA O VERÁN

Para rematar este curso, desde a Biblioteca deixámosvos estas recomendacións lectoras para que teñades onde escoller.

Moi bo verán!!!

E AGORA RECOMENDAMOS NÓS...

Como complemento ás recomendacións que coas que estades compoñendo o noso muro virtual, desde o Equipo da Biblioteca propoñémosvos outras lecturas co gallo do Día do Libro, esta vez organizadas por niveis. 

Non dubidedes en vir a buscalas á Biblio!

Ademais compartimos o fermoso poema que a poeta, narradora, profesora e académica Marilar Aleixandre cedeu para o díptico conmemorativo do Día mundial do Libro editado desde a Consellería de Educación, Universidade e FP. Podedes acceder a el pinchado aquí.

RECOMENDÁMONOS LIBROS PARA CELEBRAR O 23 DE ABRIL

Estámonos achegando ao Día do Libro e desde a Biblioteca queremos pedir a vosa colaboración para elaborar unhas recomendacións lectoras moi especiais.

Trátase de que cadaquén faga unha aportación no muro que tedes a continuación recomendando o voso libro favorito e explicando brevemente as razóns polas que o é.

Podedes incluír o voso nome pero non é necesario. Lembrade que só tedes que facer doble click e xa se abre o panel onde escribir.

Animádevos, contamos con vós!!

CELEBRAMOS O DÍA DA MULLER!

Co gallo da celebración do día da muller o 8 de marzo, contamos coa visita da escritora Marisol Ortiz de Zárate, autora do libro que están a ler en 1º e 2º de ESO, La canción de Shao Li.

O alumnado puido gozar coas experiencias das que lles falou a autora, así como preguntarlle todas as dúbidas que lles xurdiron na lectura do libro. A continuación tivo lugar unha firma de libros.

Marisol, moitas grazas pola visita!

LECTURAS PARA O NADAL

Chegamos ao final deste trimestre e con el ao Nadal. Desde a Biblioteca queremos recomendarvos unhas lecturas estupendas que vos van a animar estas vacacións e que xa tedes dispoñibles en préstamo. Non dubidedes en facer os vosos comentarios cando as rematedes.
Felices Festas!!

MERGULLÁMONOS NO SAMAÍN

Estamos quentando motores para o Samaín, que este ano sabedes que será máis ben Samagosto. Aínda que a celebración principal será o día 6 de novembro, a Biblioteca xa puxo as galas para recibilo con decoración propia e as máscaras elaboradas para o concurso de Halloween e o alumnado de música de 4º de ESO xa está a tope coa ambientación dos vosos relatos de medo. Ademais fixemos unha selección de lecturas de terror para que pasedes unha noite de Samaín totalmente terrorífica. 

Estades preparados???

RECOMENDACIÓNS LECTORAS PARA O VERÁN

           Un ano máis deixamos as nosas recomendacións lectoras para o verán !

           O EQUIPO DA BIBLIOTECA DESÉXALLES A TODOS OS USUARIOS UN FELIZ VERÁN !

23 de abril

O AMOR E A AMIZADE

 

O 14 de febreiro, día de San Valentín, é coñecido como o día dos namorados ou

día do amor e a amizade.

 

Un dos símbolos deste día é un corazón, ou a cor vermella ademais dun neno alado cos ollos vendados e armado de arco e frechas que vén sendo Cupido. 

 

Na mitoloxía romana era o deus do desexo amoroso – fillo de Venus ( deusa do amor , a beleza e a fertilidade ) e de Marte ( fillo da guerra ); na mitoloxía grega chamábase Eros.

   O tema do amor é un tema universal que atopamos en lendas, mitos, novelas, poesía, pintura, cartas, música, teatro, cine... 

    Na entrada da Biblioteca realizouse unha exposición con novelas, poemarios, teatro e cine que forman parte dos nosos fondos.

      

“Ante o toque do amor, todos se converten en poetas” (Platón, filósofo grego)

                    Velaquí tedes unha mostra da mesma