OUTRO VERÁN CUN LIBRO NA MAN !

 

Preme na ligazón e accederás ao libro dixital das nosas recomendacións para 

este verán 2017 ! 

LIBROS AO SOL !

O NOSO PERSOEIRO BOQUEIXONÉS

         Un ciclista entre nós. O noso persoeiro é Vicente López Carril, ciclista de fama internacional. Queredes saber algo máis del. Premede na imaxe.

UN MURAL PARA CARLOS CASARES

Co gallo do día das Letras Galegas, adicado este ano a Carlos Casares, fixemos un mural para decorar o escenario do salón de actos onde  tiveron lugar todas as actuacións da Semana Cultural.

Que chulo lles quedou ! A que si !

OS PROFES TAMÉN LÍAN

    Os nosos MESTRES trouxeron unha fotografía de cando pequenos acompañada dun libro que lles gustara moito sendo moi noviños. 

QUE IDEA TAN ORIXINAL !

 

PADRIÑOS E AFILLADOS

       Durante todo o curso, estivemos traballando na biblioteca con este proxecto iniciado a ano pasado. Os nenos de 5 anos de Infantil foron agora os que lle leron os contos aos de 6º, os seus padriños. Antes, viñan lendo os maiores aos máis pequenos pero agora que xa saben ler, satisfacíalles máis facer ó outro xeito.

A NOSA MASCOTA

Mediante diferentes técnicas, este ano propuxémonos  darlle forma á mascota da nosa Biblioteca, un rato. Utilizouse book-art, lá, pasta de modelar, cartón, etc.

CONTACONTOS

   

A familia Otero Redondo brindounos a oportunidade de facer un contacontos xunto cos seus nenos, Brais e Breixo. Os contos que nos presentaron en video, lectura e musicado foron Orellas de Bolboreta e O cazo de Lorenzo. Ámbolos dous libros teñen teñen un significado especial porque os protagonistas teñen alguna diferenza respecto aos demais nenos e ensinan como superar esas diferenzas.