VERSIONANDO A ARTE !

Presentámosvos o Proxecto de Versionando a ARTE !!! FANTÁSTICO TRABALLO VERSIONAMOS A ARTE ! PhotoPeach

SELFIES LECTORES

       Co fin de potenciar a lectura en familia, propuxemos una nova tarefa dende a biblioteca. Esta vez, tratouse de facer un selfie en familia no momento que se lle adica á lectura na casa. 

        GRANDES SELFIES !!!!   GRATAS LECTURAS !!!!

MARCADORES PERSOAIS

      Cada titoría fixo o deseño propio duns marcadores para ir á Biblioteca co fin de sinalar o espazo onde se sacou un libro para logo volver a colocalo no seu sitio.

      O deseño e o coloreado eran de estilo libre para logo plastificalos e que duren un tempo.

ENCONTRO CON HAKAN CASARES

                            

   Desde o ano 1963 celebramos o Día das letras Galegas, un día no que homenaxeamos a unha figura senlleira do mundo da cultura galega. Este ano congratulámonos coa presenza no noso centro de Hakan Casares Berg, fillo de Carlos Casares a quen lle dedicamos este 17 de maio.

   Nunha entrevista Hakan sinalaba que se sentía orgulloso e satisfeito de que a Real Academia Galega decidise dedicarlle a seu pai o Día das Letras Galegas do ano 2017 e nós sentimos o mesmo orgullo e satisfacción porque o seu fillo compartira con nós a vida e obra dun grande das nosas letras e da nosa cultura.

  Dise que ás veces unha imaxe vale que mil palabras, e pode ser porque unha fotografía de Carlos Casares recolle a súa participación no 1º Día das Letras Galegas de 1963 dedicado a Rosalía de Castro, unha imaxe do pasado que se fai presente e é hoxe cando nós lle rendemos a el , ao contador de historias , a nosa sincera homenaxe. 
 

Encontro con Hakan Casares

  

  A nosa homenaxe especial foi pórlle o nome de Carlos Casares á Sala de Lectura da nosa Biblioteca.

   



  


Hakan Casares mostrouse emocionado e agradecido por este detalle en memoria de seu pai e nós igualmente xa que a presenza do contador de historias permanecerá para sempre entre nós.

 

Encontro literario

                O alumnado de 3º e 4º da ESO compartiu con María Lorenzo e Manuel Iglesias Turnes a maxia da escrita e descubriron algúns dos seus segredos sobre a creación literaria. Unha tarde amena na que os nosos mozos e mozas se achegaron ao mundo de quen escribe desde moi noviña e de quen comezou a facelo algo máis tarde. 

                Aquí vos deixamos unha mostra deste encontro.

                          

Taller de modelado

            O alumnado de 3º de ESO mostrou grandes dotes para o modelado en barro no taller impartido por Diego Vidal, ex alumno do noso centro . Aquí vos deixamos a proba do seu magnífico traballo. Foron uns grandes artistas do barro !

CARLOS CASARES

    HOMENAXEAMOS E LEMOS A CARLOS CASARES ! 

EXPOSICIÓN SOBRE A OBRA DE CARLOS CASARES

 

                     

VERSIONAMOS A ARTE !

       Baixo o lema deste ano das Bibliotecas Escolares : A Biblioteca , territorio das ARTES, o alumnado de 4º de ESO realizou un proxecto interdisciplinar no que participaron os Departamentos de Xeografía e Historia, Plástica, Francés, Inglés e Equipo de Dinamización da Biblioteca.

       Aquí vos deixamos unha pequena mostra do proceso de creación das súas obras, unha versión de obras e pintores.

                                                Este é só un pequeno adianto !!!!

DÍA DAS LETRAS GALEGAS

       

    Desde o ano 1963 celebramos o Día das letras Galegas, un día no que homenaxeamos a unha figura senlleira do mundo da cultura galega. Este ano congratulámonos coa presenza de Hakan Casares Berg, fillo de Carlos Casares a quen lle dedicamos este 17 de maio 2017.Compartirá co noso alumnado a vida e a obra dun grande das nosas letras e da nosa cultura. 

   Hakan desenvolve o gran labor de promover a cultura galega, de velar polo estudo e difusión da obra do seu pai, Carlos Casares, de preservar a súa biblioteca, o seu arquivo e as súas coleccións, de promover e difundir o legado de Carlos Casares, e apoiar iniciativas culturais de promoción da lingua e da cultura galega tanto dentro de Galicia como fóra dela.

 

    Ademais da charla-coloquio imos lembrar de xeito especial esta data xa que lle daremos o nome de CARLOS CASARES á nosa Sala de Lecturas nun emotivo acto en recoñecemento ao seu labor a prol da cultura e a lingua galega.

TALLER DE MODELADO EN BARRO

         Comezamos a VI Semana Cultural no centro cun taller de modelado en barro. Será impartido por un dos nosos ex alumnos, Diego Vidal , que nestes momentos está a cursar o Ciclo Superior de Artes Aplicadas á Escultura na EASD Mestre Mateo de Santiago. Imos deixarvos unha pequena mostra da súa ARTE .

       

         O taller para o alumnado de 3º de ESO que se desenvolverá o 15 de maio está organizado polo Equipo da Biblioteca baixo o lema A nosa Biblioteca, territorio das ARTES !

ENCONTRO CON MARÍA LORENZO E MANUEL IGLESIAS

       O próximo día 11 de maio , o alumnado de 3º e 4º de ESO participará nun encontro con María Lorenzo e Manuel Iglesias, dous escritores galegos que comparten a paixón pola literatura e que comezaron a publicar en momentos moi diferentes da súa vida cunha similitude sorprendente ... Unha casualidade e un caixón van da man !

María Lorenzo e seu pai Manuel Lorenzo recibindo o premio Xerais

Manuel Iglesias Turnes