O PENSAMENTO NO HUMANISMO E NA ILUSTRACIÓN

            O Departamento de Xeografía e Historia participou no lema deste ano de PLAMBE : "Aprender a pensar desde a Biblioteca Escolar". 

           O alumnado desta materia de 3º de ESO  realizou un traballo de investigación sobre pensadores e pensadoras do  Humanismo e o de 4º de ESO sobre pensadores e pensadoras da  Ilustración en Galicia e en Europa. 

        Nesta exposición pódese descubrir a maneira de PENSAR  de persoeiros tan relevantes como Maquiavelo, Erasmo de Rotterdam, Luisa Sigea de Velasco, Olimpia Fulvia Morata, Rousseau, Adam Smith, Pai Sarmiento, Pai Cernadas de Castro...

          Os traballos foron expostos posteriormente nos corredores do Centro para toda a Comunidade Educativa e aquí tedes unha mostra nun mosaico de imaxes.

Clube de lectura

  O Equipo de Dinamización da Biblioteca ten unha boa nova: o inicio do noso CLUBE DE LECTURA !

           

                Será un espazo que nos permitirá abrir as portas a un mundo novo, un espazo de liberdade no que compartir opinións, inquietudes, intereses e experiencias, un espazo para compartir emocións e sentimentos, ademais  de activar o espírito crítico...

                  Axudaranos a REFLEXIONAR E PENSAR !!!  

              Os membros do clube son mozos de 1º e 2º de ESO que se reunirán os xoves na sala de lectura "Carlos Casares" para descubrir e compartir o mundo agochado nos libros.

                A nosa primeira proposta lectora ten moito que ver co lema deste ano das Bibliotecas Escolares :

"Aprender a pensar coa biblioteca escolar" .

 

LER EN NADAL !!!

          

O EQUIPO 

DE DINAMIZACIÓN

 DA BIBLIOTECA

QUERE COMPARTIR CON TODOS VÓS

 A MAXIA DO NADAL  !!!

A MAXIA QUE SE AGOCHA NOS LIBROS !!!

 AQUÍ TEDES UN ANO MÁIS 

A NOSA PROPOSTA DE 

RECOMENDACIÓNS LECTORAS !!!

Pasade un Bo Nadal cun libro na man !!!

                                     

POETAS EN NADAL !

            O alumnado de Primaria neste Nadal 2017 botaron a andar a súa imaxinación nun obradoiro de escrita creativa co nome de:“Para o Nadal celebrar...desta tócanos rimar”. 

        Os rapaces (individualmente ou en grupos) escribiron rimas ou pequenos poemas en tarxetas verdes que versaban sobre o Nadal, ben inventadas ou copiadas. E con todas elas, colocadas en horizontal, confeccionaron árbores de Nadal para colocar nos corredores exteriores da Biblioteca. 

    Aquí tedes unha pequena mostra do resultado. 

 

   Unhas árbores máxicas e diferentes !!!

En negro contra a violencia

      A Federación de ANPAS COMPOSTELA propuxo unhas lecturas que moven conciencias contra a violencia de xénero. Son obras literarias en lingua galega que abordan a violencia de orixe sexista. 

       Algunhas destas obras tédelas a disposición na nosa Biblioteca:

• Os nenos da varíola de María Solar
• Jules Verne e a vida secreta das mulleres planta de Ledicia Costas
• O diario violeta de Carlota de Gemma Lienas
• Palabras envelenadas de Maite Caranza
• Rapazas de Agustín Fernández Paz
• O inferno de Marta de Pascual Alapont
• Un animal chamado néboa de Ledicia Costas

                               Boas recomendacións e boas lecturas !

Unha de medo, por favor !!!

Ambientamos a porta da nosa Biblioteca 

Exposición dos textos do obradoiro de escritura creativa .

    O noso alumnado de Primaria participou nun obradoiro de escritura creativa no que fomentaron a súa creatividade e imaxinación, traballaron a competencia lingüística a través da narrativa -neste caso o conto- , potenciaron o traballo cooperativo e entraron en contacto coa narrativa de terror.

      Así con motivo da celebración do Samaín, cada clase elaborou e decorou contos de terror en gran grupo, pequeno grupo ou individualmente e o formato era libre.

    Dende o luns 23 ata o martes 31 de outubro, na biblioteca houbo un expositor de libros con temática do Samaín para ser consultados, pescudar ideas ou simplemente gozar da súa lectura.

    Todos os contos quedaron expostos o luns 30 de outubro nos corredores da biblioteca e o martes 31 os titores/as baixaron co alumnado a ler os contos dos compañeiros/as.

Exposición de libros de medo para os nosos pequenos ou maiores !!!

Damos outra volta polo Samaín !

             Queredes ver o resultado da decoración e exposición dos libros de MEDO do SAMAÍN 2017 ! 

             Aquí vos deixamos unha galería de imaxes ! 

Grazas aos colaboradores e aos usuarios polo traballo e participación !!!