DÍA DA MULLER

Pasou este 8 de marzo cheo de actividades e exposicións que se realizaron en colaboración co resto de equipos de dinamización do centro e de materias.

En primeiro lugar rematamos de decorar as escaleiras de Secundaria con nomes de mulleres, en colaboración co equipo de actividades extraescolares e a materia de Plástica. Unha boa maneira de inspirar ás nenas ao entrar en clase.

Na sección de secundaria o alumnado voluntario elaborou unha selección de libros protagonizados por mulleres, que se plasmou na seguinte exposición:

En Primaria optaron por facer unhas vistosas maletas viaxeiras cheos de libros adicados ou protagonizados por mulleres, incluíndo algúns de Rosalía.

Por último, o alumnado da ESO tamén quixo facer a súa contribución buscando información sobre diferentes mulleres importantes da Historia e facendo algunhas reflexións sobre a figura da muller nos nosos días.

Ademais, coma sempre, a biblioteca colaborou propoñendo materiais de traballo sobre o tema.

Xuntas podemos!

DÍA DE ROSALÍA

Co gallo do Día de Rosalía, o alumnado de Primaria preparou a biblioteca para a ocasión elaborando un mural de pop-art moi logrado e unha porta "mosaico" fantástica que axudaron a facer os rapaces de sexto de plástica.

Aquí vos deixamos o fabuloso resultado:

PREPARAMOS O 8 DE MARZO

 Ola a tod@s!

Xa se está achegando o 8 de marzo e desde a biblioteca queremos sumarnos á celebración propoñéndovos algunhas actividades interesantes.

En primeiro lugar, o alumnado voluntario na biblio preparou este mural dixital con algúns temas musicais relacionados coa muller. Animádevos e incluíde cancións que vos gusten e vexades que faltan. Só tedes que facer dobre click e engadir a ligazón ao vídeo en cuestión.

Ademais, queremos detectar eses micromachismos que nos perseguen na vida diaria e que é conveniente erradicar o antes posible. Cóntanos algunha experiencia deste tipo que viviras ou presenciaras, grávaa nun audio e envíaa ao mail da biblio: biblioforte@gmail.com. Faremos unha recompilación que publicaremos nos próximos días.

Para inspirarvos deixámosvos este vídeo realizado por alumnas de Bacharelato:

Finalmente, lembrarvos que se pasades pola biblio (tanto pola sección de Infantil e Primaria coma de Secundaria) atoparedes unha selección de libros protagonizados por mulleres que paga a pena ler. Pasade a descubrilos!

CONCURSO DE FOTOGRAFÍA EN INSTAGRAM

 Ola a tod@s!

Como xa sabedes, a nosa biblioteca estreou a súa conta de Instagram propoñéndovos un concurso de fotografía sobre a paz.

Pois ben, xa temos gañadoras: Ainoa Penas e Ainoa Rouco, que recibirán o seu agasallo na biblio o xoves 18 durante o segundo recreo.

Noraboa!

DÍA MUNDIAL DA RADIO

Hoxe celebramos o Día Mundial da Radio. Proponse a data do 13 de febreiro por ser a da creación da Radio Nacións Unidas no ano 1946.

No noso centro quixémolo conmemorar estudando as características das distintas emisoras de radio e realizando na biblio algúns podcasts de diferentes tipos de programas con temática musical.

Aquí podedes escoitar o resultado:

Programa de música clásica

Programa de radiofórmula

Programa de emisora xeralista

Programa de música alternativa

Feliz Día da Radio!

DÍA DA MULLER E A NENA NA CIENCIA

 A ONU (Organización de Nacións Unidas) estableceu o 11 de febreiro como o "Día Internacional da muller e a nena na ciencia" como recoñecemento ao importante papel que tiveron as mulleres na ciencia e na tecnoloxía e para lograr a participación plena e equitativa na ciencia para as mulleres e nenas, loitando así pola igualdade de xénero e o empoderamento das mulleres e nenas.

Para conmemoralo propoñémosvos unha serie de lecturas que xa están na biblioteca para que coñezades máis algunha destas figuras:

Tamén podedes ver esta serie de animación sobre diferentes científicas: https://mujeresconciencia.com/2019/11/19/serie-de-animacion-la-mujer-en-la-ciencia/

E convidarvos a visitar esta exposición virtual onde coñeceremos algunha destas figuras:

https://exxperimentaenfeminino.webs.uvigo.es/exposicion-virtual_gal/

Ademais queremos solidarizarnos coa campaña #NoMoreMatildas, da Asociación de Mujeres Investigadoras e Tecnólogas (AMIT), que pretende denunciar as consecuencias do chamado efecto Matilda, polo que non só se negan as aportacións e traballo de moitas mulleres científicas, senón que se da a súa autoría a compañeiros de investigación, que levan os méritos do traballo.

Para saber máis sobre esta campaña pinchade no seguinte vídeo:

CELEBRACIÓN DÍA DA PAZ

Por mor do mal tempo o 1 de xaneiro celebramos o Día da Paz. Tivemos exposicións de símbolos da paz, elaborados polo alumnado de Valores e Relixión conxuntamente; de pombas da paz que elaboraron as titorías de 1º da ESO.

Tamén os departamentos de Ed. Física e Música organizaron unha coreografía para o tema "Jerusalema" que quixeron interpretar malia o mal tempo. 

O resultado do concurso de fotografía proposto desde o Instagram da biblioteca coñecerase en breve.

Noraboa a todxs xs participantes!