Como xa sabedes, o pasado 25 de novembro conmemoramos o Día Internacional contra a violencia de xénero.
Despois de preparar o tema nas clases, o mércores celebramos un pequeno acto no que manifestamos todxs xuntxs a nosa repulsa ante esta lacra da nosa sociedade cunha lectura de lemas, un poema escrito para a ocasión e a formación dun lazo.
Aquí podedes ver un pequeno resumo:
Estase achegando o 25 de novembro e desde a biblioteca queremos sumarnos á loita contra esta lacra da sociedade.
Ademais da celebración deste pequeno acto, preparamos unha selección de recursos que seguro vos resultarán interesantes. Tedes películas, curtas, música, guías didácticas e libros que podedes atopar na biblioteca.
Xuntxs podemos!
Rematou este Samaín e velaquí tedes o resultado de todas as propostas. En primeiro lugar queremos que vexades as calaveritas literarias e o poema colaborativo "Eu teño medo de...". Para disfrutalos só tedes que pinchar na imaxe de abaixo.
E agora podedes acceder aos relatos do concurso de historias de terror "The spooky story contest":
Noraboa a tod@s @s participantes! Gran traballo!
O día 3 de novembro celebramos no CPI o Día de Neira Vilas, entrañable escritor que dá nome á nosa Biblioteca e que nos visitou nun par de ocasións para compartir con nós a súa sabedoría.
Como pequena homenaxe presentamos este vídeo elaborado polo Equipo de dinamización da Biblioteca sobre a súa figura e narrado polo alumnado colaborador da biblioteca. Non o perdades!
Tamén vos convidamos a sumarse á petición da Fundación Neira Vilas subindo á rede fotografías dos seus libros cun breve comentario. Empregar o cancelo #3novdíadeneiravilas e/ou a etiqueta @fundacionxoseneiravilas.
Animádevos!
Estámonos achegando ao Samaín e aínda que esteamos nesta situación tan excepcional, desde a Biblioteca queremos seguir colaborando para celebrar este día tan especial.
O alumnado de 1º de ESO fará unha lectura dramatizada do relato Medo, eu? de Fina Casalderrey, crearase un poema colectivo baixo o título: Eu téñolle medo a... e xunto co departamento de inglés convócase un concurso de historias de terror en inglés, que se publicarán neste blog.
Animádevos a participar, tedes ata o 2 de novembro!
Desde 1997 celébrase o 24 de outubro o Día das Bibliotecas.
"A edición deste ano, baixo o lema 'Bibliotecas, sempre ao teu carón' céntrase en destacar o importante papel que xogan as bibliotecas ofrecendo acceso á cultura, ao coñecemento e ao entretemento en calquera lugar e circunstancia".
A nosa Biblioteca quérese sumar a este lema e seguir ofertando servizos aínda que a realidade que nos toque vivir sexa moi complexa. Para isto sacamos a biblioteca dos límites do seu edificio e creamos esta Biblioteca virtual, coa que poderedes acceder a unha variada serie de recursos.
Por suposto, a Biblioteca é un servizo vivo para toda a comunidade educativa, polo que vos convidamos a que nos fagades chegar máis recursos que iremos engadindo.
Feliz día e boas lecturas!
