E ASÍ RECIBIMOS O ENTROIDO

Logo de traballar durante tanto tempo, chegou por fin o día do Entroido!!! Así o recibimos na Biblioteca en colaboración co Equipo de Extraescolares e o departamento de Plástica:

APRENDEMOS SOBRE O HOMENAXEADO DAS LETRAS: ANTÓN FRAGUAS E OUTRO GRANDE: CASTELAO

Dentro desta temática da cultura tradicional na que se engloban os Xenerais, temos dous grandes persoeiros: Antón Fraguas, o homenaxeado no Día das Letras Galegas deste ano e Castelao, que non necesita presentación.

Para aprender máis sobre estas figuras e sobre a cultura popular, desde a Biblioteca, en colaboración cos departamentos de Xeografía e Historia e Lingua Galega, organizamos unha saída para que o alumnado de 1º, 2º e 3º de ESO realizaran uns obradoiros sobre Antón Fraguas e a cultura tradicional no Museo do Pobo Galego e logo descubrisen máis sobre a figura de Castelao nas exposicións Alba de Gloria e Castelao Maxistral.

Para preparar a visita o alumnado de 2º realizou este estupendo panel informativo:

E aquí tedes unha mostra do que andivemos a facer:

AMBIENTAMOS A BIBLIO PARA O ENTROIDO

Achégase o Entroido e desde a Biblioteca, logo de realizar os obradoiros de elaboración de atranques e regueifas, queremos pedir a vosa colaboración para crear ambiente. Pedímosvos que elaboredes algún gorro relacionado coa temática dos Xenerais da Ulla e o entreguedes na Biblio, onde os expoñeremos durante estas semanas.

Algúns alumn@s de 1º de ESO xa se puxeron mans á obra, así que vos deixamos unha mostra para darvos inspiración.

Animádevos!!

VAN CHEGANDO OS XENERAIS!

Como o eixe central que nos artella este curso é o tema dos Xenerais do Ulla, que nos toca moi de preto, na Biblioteca, xunto co departamento de Xeografía e Historia queremos ir quentando motores de cara o Entroido cunha exposición sobre a figura histórica dos Xenerais elaborada polo alumnado de 4º de ESO. Podedes atopala no taboleiro de entrada á Biblioteca.

Non tardedes en visitala!!

14 DE FEBREIRO NA BIBLIOTECA

Desde as lupercais pasando por San Valentín, o amor está presente en todas as facetas da nosa vida. Que mellor para representar algo tan abstracto que a música e/ou a poesía! 

Na Biblioteca queremos adicar estes días a poñer banda sonora e poética ao día máis romántico do ano. Facede a vosa contribución escollendo unha canción de amor ou unha poesía que consideredes apropiada para o momento e incluídea no muro que se xunta. Simplemente tedes que facer doble click e abrirase un post onde poderedes escribir e engadir a ligazón a un vídeo, unha imaxe ou unha páxina web se o precisades. Por suposto podedes incluír o motivo da escolla e/ou o voso nome pero non é necesario.

Animádevos a participar, estades tod@s convidad@s!!!

DÍA DA PAZ NO CPI

Este curso celebramos o día da Paz todos xuntos, os pequenos de Infantil, Primaria e os de Secundaria.

O alumnado leu frases famosas relacionadas coa paz e a concordia, houbo exposicións sobre figuras clave, decoramos a Biblioteca para a ocasión, fixemos unha exposición de libros para os máis pequenos e cantamos e bailamos xuntos unha canción.

Como mostra velaquí tedes a sección da Biblioteca de Infantil e Primaria:

LECTURAS PARA O NADAL

Chegamos ao final deste trimestre e con el ao Nadal. Desde a Biblioteca queremos recomendarvos unhas lecturas estupendas que vos van a animar estas vacacións e que xa tedes dispoñibles en préstamo. Non dubidedes en facer os vosos comentarios cando as rematedes.
Felices Festas!!