TETTAMANCY:"QUE FAGO EU EN BOQUEIXÓN?"

Logo de semanas de traballo buscando información, gravando e preparando, presentámosvos o resultado do proxecto realizado por alumnado de 3º da ESO sobre a figura de Francisco Tettamancy Gastón e a relación que atopamos entre este autor e Boqueixón. 

O proxecto estivo coordinado pola profesora de Lingua Galega, Marifé Pérez García e polo Equipo da biblioteca.

Queremos agradecerlle á veciñanza de Lestedo e a Rocío Liñares que nos cederan desinteresadamente eses fantásticos traxes de xenerais.

Velaquí tedes o resultado!
 

DÍA DA PAZ E DA NON VIOLENCIA

Desde a semana pasada estivemos traballando sobre a paz, os tipos de violencia e como evitala. Comezamos cunha exposición realizada polo alumnado voluntario da biblioteca, que seleccionou materiais do máis variado sobre o tema:

Ademais, sumámonos á celebración do centro do día 28 poñendo cancións relacionadas coa paz e a non violencia. Podedes ver o resumo do acto no seguinte vídeo.

Por último, o alumnado de Valores Éticos de 1º e 2º están realizando uns posters sobre o tema que poderedes desfrutar en breve.

Entre tod@s podemos acabar coa violencia!

BIBLIOTECAS ESCOLARES SOLIDARIAS

Desde a biblioteca queremos informarvos de que un ano máis o noso centro quedou adherido á iniciativa de "Voluntariado na biblioteca escolar", dentro do programa Bibliotecas Escolares Solidarias.

O alumnado voluntario de Secundaria realizará unha serie de tarefas en relación coa biblioteca (deseño e realización de actividades, formación de usuarios...), por suposto axustándose aos protocolos que a situación sanitaria esixe.

Esta iniciativa lévase a cabo en colaboración coa Dirección Xeral de Xuventude, Participación e Voluntariado, da Consellería de Política Social e favorece actitudes de colaboración e solidariedade, colaborando na formación dunha cidadanía crítica e comprometida.

25-N DÍA INTERNACIONAL CONTRA A VIOLENCIA DE XÉNERO

Co gallo do Día Internacional contra a Violencia de xénero, todo o centro adicamos varias semanas do mes de novembro a traballar e a concienciar sobre este tema. Gran parte das actividades xiraron arredor do libro de Yolanda Neira "Alén loita e acariña" en todos os cursos e consistiron en análise das ideas, charlas, traballo con curtametraxes e cancións relacionadas coa violencia de xénero, lecturas de contos... O alumnado de Infantil participou ademais no contacontos Arturo e Clementina.

O alumnado voluntario da biblioteca elaborou un panel onde se recollían datos relativos á violencia de xénero no noso país, na Unión Europea e no mundo. Este panel completouse con unha exposición de libros seleccionados con esa temática, cos que estiveron traballando durante a semana.

Todo este traballo reflexouse nun acto celebrado o día 25 e presentado por alumnado voluntario da biblioteca, onde todo o centro se xuntou para alzar as nosas mans violetas e berrar o lema recollido no libro: "As mans para loitar, non para ferir! A fala para acariñar, non para anular!". Logo houbo unha lectura de lemas e poemas acompañados da actuación musical de Marina Vidal, exalumna do centro e Mario Barral de 3º da ESO, co que se puxo o broche final a ese día de reivindicacións. 

NIN UNHA MENOS!!

BIBLIOTECAS ESCOLARES SOLIDARIAS

Desde a biblioteca queremos informarvos de que o noso centro quedou adherido á iniciativa de "Voluntariado na biblioteca escolar", dentro do programa Bibliotecas Escolares Solidarias.

O alumnado voluntario de Secundaria realizará unha serie de tarefas en relación coa biblioteca (deseño e realización de actividades, formación de usuarios...), por suposto axustándose aos protocolos que a situación sanitaria esixe.

Esta iniciativa lévase a cabo en colaboración coa Dirección Xeral de Xuventude, Participación e Voluntariado, da consellería de Política Social e favorece actitudes de colaboración e solidariedade, colaborando na formación dunha cidadanía crítica e comprometida.

Estamos desexando traballar con vós!