Biblioteca " Xosé Neira Vilas " : ENTROIDO

xoves, 13 de febreiro de 2020

TEMPO DE ENTROIDO!

Está chegando o Entroido ao noso CPI. Dende a Biblioteca dámoslle a benvida con esta presentación elaborada polo Equipo de Dinamización sobre esta celebración tan importante na nosa terra. Nela atoparedes información variada sobre a festa e poderedes coñecer diferentes personaxes típicos destas datas en toda Galicia.

Ademais, toda a comunidade educativa pode desfrutar dunha colorida exposición (situada no vestíbulo do edificio de Secundaria) sobre as máscaras máis representativas das catro provincias galegas:

venres, 1 de marzo de 2019

E ASÍ RECIBIMOS O ENTROIDO

Logo de traballar durante tanto tempo, chegou por fin o día do Entroido!!! Así o recibimos na Biblioteca en colaboración co Equipo de Extraescolares e o departamento de Plástica:

luns, 18 de febreiro de 2019

AMBIENTAMOS A BIBLIO PARA O ENTROIDO

Achégase o Entroido e desde a Biblioteca, logo de realizar os obradoiros de elaboración de atranques e regueifas, queremos pedir a vosa colaboración para crear ambiente. Pedímosvos que elaboredes algún gorro relacionado coa temática dos Xenerais da Ulla e o entreguedes na Biblio, onde os expoñeremos durante estas semanas.

Algúns alumn@s de 1º de ESO xa se puxeron mans á obra, así que vos deixamos unha mostra para darvos inspiración.

Animádevos!!

mércores, 13 de febreiro de 2019

VAN CHEGANDO OS XENERAIS!

Como o eixe central que nos artella este curso é o tema dos Xenerais do Ulla, que nos toca moi de preto, na Biblioteca, xunto co departamento de Xeografía e Historia queremos ir quentando motores de cara o Entroido cunha exposición sobre a figura histórica dos Xenerais elaborada polo alumnado de 4º de ESO. Podedes atopala no taboleiro de entrada á Biblioteca.

Non tardedes en visitala!!