O pasado luns 6 de outubro, o alumnado de 1º e 2º da ESO reuniuse na biblioteca da ESO para participar nunha actividade moi especial promovida polo Departamento de Inglés. Da man de Johnny Flynn, puideron descubrir os países que forman o Reino Unido e coñecer moitos aspectos curiosos sobre a súa cultura.
Durante a sesión, aprenderon a recoñecer as bandeiras e os símbolos nacionais, falaron sobre a Familia Real británica, a gastronomía típica e outros detalles da vida cotiá en Gran Bretaña, todo isto dun xeito ameno, visual e interactivo.
Unha experiencia divertida e enriquecedora que demostra que a nosa biblioteca é tamén un espazo para aprender, compartir e viaxar sen saír do centro.
Ningún comentario:
Publicar un comentario