Ola a tod@s!
Como xa sabedes, a nosa biblioteca estreou a súa conta de Instagram propoñéndovos un concurso de fotografía sobre a paz.
Pois ben, xa temos gañadoras: Ainoa Penas e Ainoa Rouco, que recibirán o seu agasallo na biblio o xoves 18 durante o segundo recreo.
Noraboa!
Hoxe celebramos o Día Mundial da Radio. Proponse a data do 13 de febreiro por ser a da creación da Radio Nacións Unidas no ano 1946.
No noso centro quixémolo conmemorar estudando as características das distintas emisoras de radio e realizando na biblio algúns podcasts de diferentes tipos de programas con temática musical.
Aquí podedes escoitar o resultado:
Programa de música alternativa
Feliz Día da Radio!
A ONU (Organización de Nacións Unidas) estableceu o 11 de febreiro como o "Día Internacional da muller e a nena na ciencia" como recoñecemento ao importante papel que tiveron as mulleres na ciencia e na tecnoloxía e para lograr a participación plena e equitativa na ciencia para as mulleres e nenas, loitando así pola igualdade de xénero e o empoderamento das mulleres e nenas.
Para conmemoralo propoñémosvos unha serie de lecturas que xa están na biblioteca para que coñezades máis algunha destas figuras:
Tamén podedes ver esta serie de animación sobre diferentes científicas: https://mujeresconciencia.com/2019/11/19/serie-de-animacion-la-mujer-en-la-ciencia/
E convidarvos a visitar esta exposición virtual onde coñeceremos algunha destas figuras:
https://exxperimentaenfeminino.webs.uvigo.es/exposicion-virtual_gal/
Ademais queremos solidarizarnos coa campaña #NoMoreMatildas, da Asociación de Mujeres Investigadoras e Tecnólogas (AMIT), que pretende denunciar as consecuencias do chamado efecto Matilda, polo que non só se negan as aportacións e traballo de moitas mulleres científicas, senón que se da a súa autoría a compañeiros de investigación, que levan os méritos do traballo.
Para saber máis sobre esta campaña pinchade no seguinte vídeo:
Por mor do mal tempo o 1 de xaneiro celebramos o Día da Paz. Tivemos exposicións de símbolos da paz, elaborados polo alumnado de Valores e Relixión conxuntamente; de pombas da paz que elaboraron as titorías de 1º da ESO.
Tamén os departamentos de Ed. Física e Música organizaron unha coreografía para o tema "Jerusalema" que quixeron interpretar malia o mal tempo.
O resultado do concurso de fotografía proposto desde o Instagram da biblioteca coñecerase en breve.
Noraboa a todxs xs participantes!
O próximo 30 de xaneiro celebrarase o Día Escolar da Paz e da Non Violencia e por suposto, desde a biblioteca queremos sumarnos ás conmemoracións.
Estivemos colaborando cos departamentos de Ed. Física e Música na organización dunha coreografía que se representará o día 29 de xaneiro durante o 2º recreo sempre que o tempo o permita. De non ser o caso, realizarase o luns 1 de febreiro.
Ademais, queremos anunciarvos que queremos inaugurar o instagram da biblioteca organizando un concurso de fotografía para alumnado do centro. O lema do concurso é "Fotos para a paz" e participar é moi sinxelo, só tedes que subir a Instagram unha foto que inspire paz, non violencia ou amor mencionando o Instagram da biblioteca (@biblioforte) e fichándoa co hashtag #Paz2021cpiantonioorzacouto.
Tedes de prazo ata o domingo 7 de febreiro. Animádevos e vémonos nas redes!!
Ola a tod@s!
Desde a biblio queremos desexarvos moi bo Nadal e convidarvos a realizar unha felicitación do máis especial. Trátase de escoller unha canción de Nadal ou ben escribir un texto e compartilo a través dun código QR, que podedes engadir no padlet que tedes a continuación.
Como facemos?
Primeiro escolledes o que queredes compartir e pasádelo a código QR na seguinte ligazón: https://www.unitag.io/es/qrcode.
Cando o teñades listo, descargádelo (vai nun arquivo zip, así que tedes que descomprimilo).
Por último facedes doble click no seguinte padlet (onde queirades), escribides os vosos bos desexos e pinchades debaixo na opción "Cargar" para subir o voso código.
De momento podedes disfrutar cos que hai xa subidos. Felices Festas!
Achégase o Nadal e desde a biblioteca queremos propoñervos algunhas lecturas que vos fagan viaxar por mundos extraordinarios. Abrochade os cinturóns e gozade da viaxe!
