Biblioteca " Xosé Neira Vilas "

sábado, 28 de novembro de 2015

Xosé Neira Vilas

O Equipo da nosa Biblioteca "Xosé Neira Vilas" e os seus usuarios lamentan profundamente a perda de Xosé Neira Vilas .

A nosa tristeza é infinita. Fóisenos un home sinxelo, humilde, traballador e un xenio das Letras Galegas.

Temos a inmensa honra de manter viva a súa presenza no nome da nosa Biblioteca .

Grazas, e mil grazas !!!!

venres, 20 de novembro de 2015

Unha ano máis decoramos a nosa Biblioteca e ademais foi escenario dunha sesión de lectura dramatizada co alumnado de 1º de ESO . O texto seleccionado foi o titulado Precísase fantasma de Arthur Conan Doyle que forma parte dos relatos de pantasmas de Steven Zorn.

A continuación o alumnado respondeu a un cuestionario de xeito colaborativo ( grupos de catro alumnos) sobre a historia narrada.

Mesmo houbo debate sobre as posibles respostas!

E os gañadores foron:

-Iván Liñares

-Rubén Ferreiro

-Raúl Castro

-Álex García

NORABOA!

luns, 26 de outubro de 2015

Galicia Le

O Equipo da Biblioteca INFORMA !!!

GALICIA LE

É unha plataforma de préstamo de libros electrónicos das bibliotecas públicas galegas mediante descarga ou con diferentes dispositivos : tableta, teléfono móbil, ordenador persoal, lector de libro electrónico.

Ofrece dous catálogos :

1.-obras en galego

2.-obras en castelán

A temática dos libros é diversa : ficción, informática, historia...

Que ofrece este servizo ?

Ofrece o préstamo de dous libros por catálogo durante 21 días.

Como se accede ao servizo ?

Accédese como usuario con carné dunha biblioteca da Rede de Bibliotecas Públicas de Galicia.

Se non es usuario podes facerte socio/ a da biblioteca municipal facilitando os teus datos persoais, teléfono e unha conta de correo electrónico.

xoves, 3 de setembro de 2015

Comezamos unha nova andaina !!! Unha andaina chea de aventuras, de exploracións, de descubertas... !!!

O Equipo da Biblioteca quere compartir con todos vós o LEMA das Bibliotecas Escolares do curso 2015-16 :

"Biblioteca escolar, base de exploracións"

O lema chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, bota ao camiño a milleiros de persoas na procura dun mundo máis xusto. Convida a explorar o mundo e a compartir o aprendido.