DÍA DAS BIBLIOTECAS

 Para celebrar este Día das bibliotecas mañá visitaremos a Biblioteca Municipal do Concello de Boqueixón para celebralo con eles realizando algunhas actividades de animación á lectura.

Para ir abrindo boca, hoxe queremos compartir con vós diversos recursos onde poderedes consultar fondos online de arquivos de institucións, históricos... que non son de doada consulta en formato físico.

Catálogos Biblioteca Nacional de España

Hispana. Aquí atoparedes coleccións dixitais de arquivos, bibliotecas e museos españois.

Biblioteca Dixital de Galicia

Europeana. Aquí atoparedes todo tipo de fondos organizados por temáticas.

Minerva. Repositorio da Universidade de Santiago de Compostela.

Biblioteca Virtual Galega

Biblioteca Virtual de Literatura Universal en Galego

Orella pendella. Páxina de difusión da literatura popular infantil de Galicia

Disfrutádeos e pasade un feliz día!

SEMANA DAS ESCRITORAS

Velaquí tedes o fabuloso traballo realizado polo noso alumnado co gallo do Día das Escritoras. En Infantil e Primaria optaron por escoller algunhas das súas escritoras favoritas e realizar un mural con información sobre a súa vida e obra. O alumnado de Infantil encargouse da decoración das letras.

En Secundaria o alumnado colaborador da biblioteca realizou este fantástico mural sobre Emilia Pardo Bazán, incluíndo citas célebres da autora:

Pasade a velos e descubride algúns dos seus libros!

POÑÉMONOS EN MARCHA COAS ESCRITORAS

Na biblioteca poñémonos en marcha e recibimos este novo curso celebrando a semana das escritoras, con exposicións sobre diversas autoras como Emilia Pardo Bazán, Paula Carballeira, Antía Yáñez e Fina Casalderrey. Grazas ao equipo de biblioteca e á investigación do alumnado colaborador ides descubrir moitas cousas interesantes sobre estas autoras. Aquí vos deixamos unha pequena mostra do que poderedes ver estos días.

Ademais queremos lembrarvos que seguiremos o protocolo do curso pasado, tanto no acceso á biblioteca coma no préstamo. Podedes consultalo aquí abaixo:

Vémonos na biblio!

RECOMENDACIÓNS PARA O VERÁN 2021

Estamos a piques de rematar o curso e desde a biblioteca sabemos que xa estades a buscar entretementos para este verán. Para botarvos unha man, propoñémosvos estas recomendacións que podedes pasar a recoller estes últimos días de clase e levar para a casa ata o mes de setembro.

Como sabedes, temos moitos máis materiais que poderiades levar tamén. 

Pasade a descubrilos!!

ILUSTRANDO HISTORIAS

 O alumnado de Infantil e Primaria estiveron ilustrando algunhas historias. Queremos compartilas con vós para que as disfrutedes!

CELEBRANDO AS LETRAS GALEGAS

 Co gallo das Letras Galegas, desde a biblio e en colaboración co departamento de Lingua Galega e o alumnado de 1º da ESO, preparamos estas ilustracións do poema "Trouxen augamel para agasallarte" da homenaxeada, Xela Arias.

Aquí tedes o poema:

TROUXEN AUGAMEL PARA AGASALLARTE e senteime na escada á agarda.
Non chegabas nunca e cansaba.
Cosín cun fío os pensamentos todos e abrín a porta.
Saín. fun por tras de min deixando as pegadas no chan.

e se tantas voltas viaxo de nervio aprisionado
se xiro terras e metais lenzos abertos
entrelazados
se escandalizo o interior derroto peixes lubinas 
caranguexos

é que teño o corazón de auga derretida desbordando
vasos e piscinas
e veñen as augas zoando coma corsarios
dos mares da palabra.

E velaquí a nosa versión ilustrada:

Tamén podedes disfrutar dun par de exposicións coas que poderedes descubrir moita información sobre Xela Arias e a súa obra:

E se queredes afundirvos na súa obra podedes pasar pola biblio e gozar con algúns dos seus escritos:

Bo Día das Letras Galegas!

LIBROS VOADORES

Desde a biblio queremos compartir estos estupendos libros voadores que preparou o alumnado de Infantil e Primaria. Pasade polo seu edificio para disfrutalos!