TALLER DE MODELADO EN BARRO

         Comezamos a VI Semana Cultural no centro cun taller de modelado en barro. Será impartido por un dos nosos ex alumnos, Diego Vidal , que nestes momentos está a cursar o Ciclo Superior de Artes Aplicadas á Escultura na EASD Mestre Mateo de Santiago. Imos deixarvos unha pequena mostra da súa ARTE .

       

         O taller para o alumnado de 3º de ESO que se desenvolverá o 15 de maio está organizado polo Equipo da Biblioteca baixo o lema A nosa Biblioteca, territorio das ARTES !

ENCONTRO CON MARÍA LORENZO E MANUEL IGLESIAS

       O próximo día 11 de maio , o alumnado de 3º e 4º de ESO participará nun encontro con María Lorenzo e Manuel Iglesias, dous escritores galegos que comparten a paixón pola literatura e que comezaron a publicar en momentos moi diferentes da súa vida cunha similitude sorprendente ... Unha casualidade e un caixón van da man !

María Lorenzo e seu pai Manuel Lorenzo recibindo o premio Xerais

Manuel Iglesias Turnes

DÍA DO LIBRO

        Para celebrar o 23 de abril - Día do Libro -  deseñamos a plantilla dun boneco ao que cada titor lle puxo o libro que lle gustara entre as mans. Cada quen decorouno como quixo e puido. A plantilla era a mesma en todos os casos.  

  Mirade que grande traballo realizaron. Un aplauso para todos eles !

      

DÍA DO LIBRO

       Un libro deixa sempre PEGADA  !!!! 

Preme e achegaraste a un mundo máxico !!!

As nosas recomendacións do 23 de abril !!! FELICES LECTURAS !!!!

ARTISTAS !!!

Letras Mondrian

           Mondrian foi un pintor vangardista neerlandés que fundou o neoplasticismo. É coñecido polas súas pinturas non figurativas, ás que chamou composicións. Estas consisten en formas rectangulares en vermello, marelo, azul e negro separadas por grosas liñas rectas negras.

Os nosos pequenos fixeron un mural de letras coas iniciais dos seus nomes.

                           VAIA BELEZA !!!     QUE ARTE TEÑEN OS NOSOS NENOS !!!

CARLOS CASARES E O CINE

Este ano o lema das nosas Bibliotecas está dedicado ó mundo das ARTES, e unha delas o CINE está estreitamente relacionada co autor das Letras 2017.

Interesante artigo de Miguel Anxo Fernández na Voz de Galicia O CINE E CARLOS CASARES

OS VELLOS NON DEBEN NAMORARSE

O tema central deste ano das bibliotecas son as Artes. Unha delas é o TEATRO. Castelao deixounos unha peza maxistral, Os vellos non deben namorarse.  

Premede na imaxe e imos ao teatro da man do Centro Dramático Galego.