8 de marzo , MULLER E MÚSICA

           O lema deste ano das Bibliotecas escolares é A biblioteca , territorio das Artes. Unha desas artes, a MÚSICA tivo un espazo significativo na celebración do Día Internacional da Muller.

          O alumnado da materia de Música de 3º e 4º de ESO realizou un traballo de investigación coordenado pola profesora Lina González e aquí podedes ver o magnífico resultado.


               Ademais tamén participaron  os alumnos de Cultura Clásica de 3º de ESO cunha exposición sobre as Mulleres na Antigüidade.

Día da muller traballadora

Día da muller traballadora

       Compartimos actividade co equipo de Normalización e Dinamización para dar a coñecer e acordarnos de mulleres que polo seu labor foron precursoras doutras moitas.

A ARTE E O CINE VAN DA MAN COA LITERATURA

              O Equipo da Biblioteca realizou unha exposición na que se mostran obras literarias estreitamente relacionadas con outras dúas artes: o cine e a arquitectura.

                 Ofrecemos a relación de textos que recomendamos desde a nosa Biblioteca e que son un referente no panorama literario español:

La Regenta de Clarín

El Cantar de Mío Cid

Don Quijote de la Mancha de Cervantes

El capitán Alatriste de Arturo Pérez Reverte

El Lazarillo de Tormes

Cañas y barro de Blasco Ibáñez

El guardián invisible, El legado en los huesos , Ofrenda a la tormenta de Dolores Redondo

La sombra del viento, El juego del Ángel, El prisionero del cielo de Carlos Ruiz Zafón

La mano de Fátima de Ildefonso Falcones

Día da Paz

Con motivo do DÍA DA PAZ, OS NOSOS PEQUENOS, realizaron una exposición con persoeiros que, por determinados motivos , acadaron o premio Nobel.

Unha de ARTE , por favor !

Arcimboldo

            Pintor italiano do século XVI coñecido polas súas representacións do rostro humano a partir de flores, froitas, plantas, animais ou obxectos.

       A partir da obra deste artista, o alumnado de Primaria creou cadros feitos coas súas fotos e cubriron o seu rostro con recortes de froitas. 
        Con este proxecto, animouse aos máis pequenos ao consumo de froita ao tempo que se divertiron facendo as súas propias obras de arte.

        Aquí tedes unha mostra da exposición que ocupou parte dos corredores do centro.

Nadal 2016

                         O Equipo da Biblioteca deséxavos un Bo Nadal 2016 ! 
                         Neste tempo de lecer as lecturas son unha boa compañía.

                         E se clicades en RECOMENDACIÓNS NADAL 2016  accederedes ás nosas recomendacións .

OS NOSOS PEQUENOS PÁSANO DE MEDO !!!

        No mes de outubro- un ano máis- ,  o Equipo da Biblioteca buscou libros de temática axeitada para celebrar o Samaín , unha festa pagá para celebrar as colleitas, o final do outono e o comenzo do inverno.

     Decorou a biblioteca con cadros, esqueletes, e fixo unha pequena exposición de libros.